Рэактар могуць запусьціць цягам аднаго-двух месяцаў, аднак не зусім ясна, ці ёсьць у Пхэньяна паліўныя зборкі для рэактара.
У красавіку Пхэньян заявіў, што мае намер рэактываваць рэактар. Ён быў зачынены ў ліпені 2007 года ў рамках пагадненьня «раззбраеньне ў абмен на дапамогу».
Ахаладжальныя вежа рэактарнага комплексу была пазьней падарваная, але затым работы па дэмантажы аб’екта былі прыпыненыя.
Рашэньне КНДР аб перазапуску рэактара ў Ёнбэне было прынятае на фоне агульнага абвастрэньня ўзаемаадносін з Захадам пасьля правядзеньня чарговых ядзерных выпрабаваньняў 12 лютага.
Пасьля пуску рэактар зможа вырабляць каля 6 кг плютонію ў год, прыдатнага для выкарыстаньня ў ядзерных зарадах.
Зь 2006 года Паўночная Карэя зрабіла тры ядзерныя выпрабаваньні.
Пасьля апошняга зь іх у лютым гэтага года супраць яе былі ўведзеныя санкцыі ААН. У адказ Пхэньян выступіў з шматлікімі пагрозамі на адрас Вашынгтона і Сэўла.
Аднак у апошнія тыдні супрацьстаяньне стала менш жорсткім, а ў пачатку чэрвеня Пхэньян накіраваў высокапастаўленага дыплямата ў Пэкін.
На гэтым тыдні прэзыдэнты ЗША і КНР праводзяць сваю першую сустрэчу ў Каліфорніі, на якой сярод іншых пытаньняў будзе абмяркоўвацца сытуацыя з Паўночнай Карэяй.
У красавіку Пхэньян заявіў, што мае намер рэактываваць рэактар. Ён быў зачынены ў ліпені 2007 года ў рамках пагадненьня «раззбраеньне ў абмен на дапамогу».
Ахаладжальныя вежа рэактарнага комплексу была пазьней падарваная, але затым работы па дэмантажы аб’екта былі прыпыненыя.
Рашэньне КНДР аб перазапуску рэактара ў Ёнбэне было прынятае на фоне агульнага абвастрэньня ўзаемаадносін з Захадам пасьля правядзеньня чарговых ядзерных выпрабаваньняў 12 лютага.
Пасьля пуску рэактар зможа вырабляць каля 6 кг плютонію ў год, прыдатнага для выкарыстаньня ў ядзерных зарадах.
Зь 2006 года Паўночная Карэя зрабіла тры ядзерныя выпрабаваньні.
Пасьля апошняга зь іх у лютым гэтага года супраць яе былі ўведзеныя санкцыі ААН. У адказ Пхэньян выступіў з шматлікімі пагрозамі на адрас Вашынгтона і Сэўла.
Аднак у апошнія тыдні супрацьстаяньне стала менш жорсткім, а ў пачатку чэрвеня Пхэньян накіраваў высокапастаўленага дыплямата ў Пэкін.
На гэтым тыдні прэзыдэнты ЗША і КНР праводзяць сваю першую сустрэчу ў Каліфорніі, на якой сярод іншых пытаньняў будзе абмяркоўвацца сытуацыя з Паўночнай Карэяй.
