Лінкі ўнівэрсальнага доступу

Удзельніца Pussy Riot дабілася свайго і спыніла галадоўку


Марыя Алёхіна

Удзельніца гурту Pussy Riot Марыя Алёхіна пасьля дзесяці сутак галадаваньня вырашыла спыніць акцыю пратэсту.

Марыя Алёхіна патрабавала ад кіраўніцтва калёніі адмяніць узмоцнены нагляд за перамяшчэньнем зьняволеных і зьняць навясныя замкі з памяшканьняў, дзе працуюць вязьні. У суботу стала вядома, што кіраўніцтва калёніі пайшло на саступкі.

Алёхіну правялі па тэрыторыі, каб яна магла пераканацца ў зьменах. Пра гэта паведаміў «Інтэрфакс» са спасылкай на Пятра Вярзілава, мужа другой асуджанай удзельніцы Pussy Riot Надзеі Талаконьнікавай.

Алёхіна накіравала сёньня апэляцыю з патрабаваньнем прызнаць неабгрунтаванай адмову Бярэзьнікоўскага суду ў яе ўмоўна-датэрміновым вызваленьні.

Алёхіна і Талаконьнікава адбываюць двухгадовы тэрмін за хуліганства, зьдзейсненае, як пастанавіў суд у Маскве, «па матывах рэлігійнай нянавісьці». У лютым летась асуджаныя, а таксама ўмоўна асуджаная Кацярына Самуцэвіч зладзілі ў Храме Хрыста Збаўцы панк-імшу «Багародзіца, Пуціна прагані».

Ваша меркаваньне

Паказаць камэнтары

XS
SM
MD
LG