22 траўня двое невядомых з нажамі напалі на 25-гадовага Лі Рыгбі і забілі яго, выкрыкваючы ісламісцкія лёзунгі. Паліцыянты, якія прыбылі на месца здарэньня, паранілі нападнікаў і арыштавалі іх. Імёны нападнікаў не называюцца, але некаторыя мэдыі паведамілі, што абодва – брытанскія грамадзяне нігерыйскага паходжаньня. Брытанская паліцыя разглядае напад як магчымы тэракт.
Прэм'ер-міністар Брытаніі Дэйвід Кэмэран заявіў, што ягоная краіна захавае рашучасьць у змаганьні з тэрарызмам. Кэмэран заклікаў не абвінавачваць у гэтым нападзе усіх мусульман, бо, паводле яго, адказнасьць ляжыць на канкрэтных агідных асобах, якія зладзілі гэтае злачынства.
Прэм'ер-міністар Брытаніі Дэйвід Кэмэран заявіў, што ягоная краіна захавае рашучасьць у змаганьні з тэрарызмам. Кэмэран заклікаў не абвінавачваць у гэтым нападзе усіх мусульман, бо, паводле яго, адказнасьць ляжыць на канкрэтных агідных асобах, якія зладзілі гэтае злачынства.