Аскепкі пападалі на дах крамы «Рамонак» і на агароджаны ўчастак пляцоўкі ля крамы «Рыбалоў».
Ніхто не пацярпеў.
Супрацоўнікі арганізацый, што месьцяцца ў суседнім будынку, кажуць, што абвал здарыўся ў раёне пятай гадзіны.
«Раптам раздаўся гучны грукат, па даху нешта пранеслася — мы падумалі, мо землятрус, — апавядаюць прадавачкі адзеньня з другога паверху „Рамонку“. — Пайшлі паглядзець, але ўсярэдзіне ніякіх пашкоджаньняў не знайшлі. А што здарылася? Дагэтуль ня ведаем, што гэта было».
Што здарылася, бачылі супрацоўнікі бібліятэкі, якая стаіць вокны ў вокны з будоўляй.
«У пятніцу на пачатку пятай гадзіны наш дом вельмі моцна страсянула, — кажа супрацоўніца бібліятэкі Хрысьціна. — Мы падумалі — мо, гурбы сьнегу з даху зваліліся. А потым убачылі, што ў сьцяне гэтай высоткі дзірка, і зьнізу тыя блёкі валяюцца».
Спачатку дзірка была ня вельмі вялікая. За панядзелак-аўторак будаўнікі разабралі рэшту аварыйнага ўчастку.
Галоўны інжынэр аб’екта Ўладзімер Рэзьнік пацьвердзіў факт абвалу адной са сьцен гмаху:
«Падчас пабудовы гэтага дому адбывалася ўзьвядзеньне газасылікатнай сьцяны. Хутчэй за ўсё, не было зроблена прадугледжанага праектам замацаваньня гэтай сьцяны. У выніку пад цяжарам ветравой нагрузкі яна абвалілася. Часьцей за ўсё ў такіх выпадках, вядома, вінаватыя будаўнікі, таму і тут, хутчэй за ўсё, будзе адказнасьць генэральнага падрадчыка. Аднак мая вэрсія папярэдняя. Цяпер працуе камісія, якая зробіць экспэртызу і вызначыць дакладна, у чым была прычына абвалу, а таксама назаве суму шкоды».
Крама «Рамонак» побач з будоўляй таксама будзе падлічваць пашкоджаньні. Кампэнсаваць страты будзе заказчык будаўніцтва — замежнае таварыства з абмежаванай адказнасьцю «Рубіроз інтэрнэшнл».
Людзі, якія працуюць у будынку па Пераможцаў, 7, які цяпер упрытык аточаны рознымі будоўлямі, расказваюць, што і бязь непагадзі іх трасе даволі часта: «Калі яны там нешта ўбіваюць ці ўтрамбоўваюць зямлю — мы падскокваем».
Ніхто не пацярпеў.
Супрацоўнікі арганізацый, што месьцяцца ў суседнім будынку, кажуць, што абвал здарыўся ў раёне пятай гадзіны.
«Раптам раздаўся гучны грукат, па даху нешта пранеслася — мы падумалі, мо землятрус, — апавядаюць прадавачкі адзеньня з другога паверху „Рамонку“. — Пайшлі паглядзець, але ўсярэдзіне ніякіх пашкоджаньняў не знайшлі. А што здарылася? Дагэтуль ня ведаем, што гэта было».
Што здарылася, бачылі супрацоўнікі бібліятэкі, якая стаіць вокны ў вокны з будоўляй.
«У пятніцу на пачатку пятай гадзіны наш дом вельмі моцна страсянула, — кажа супрацоўніца бібліятэкі Хрысьціна. — Мы падумалі — мо, гурбы сьнегу з даху зваліліся. А потым убачылі, што ў сьцяне гэтай высоткі дзірка, і зьнізу тыя блёкі валяюцца».
Спачатку дзірка была ня вельмі вялікая. За панядзелак-аўторак будаўнікі разабралі рэшту аварыйнага ўчастку.
Галоўны інжынэр аб’екта Ўладзімер Рэзьнік пацьвердзіў факт абвалу адной са сьцен гмаху:
«Падчас пабудовы гэтага дому адбывалася ўзьвядзеньне газасылікатнай сьцяны. Хутчэй за ўсё, не было зроблена прадугледжанага праектам замацаваньня гэтай сьцяны. У выніку пад цяжарам ветравой нагрузкі яна абвалілася. Часьцей за ўсё ў такіх выпадках, вядома, вінаватыя будаўнікі, таму і тут, хутчэй за ўсё, будзе адказнасьць генэральнага падрадчыка. Аднак мая вэрсія папярэдняя. Цяпер працуе камісія, якая зробіць экспэртызу і вызначыць дакладна, у чым была прычына абвалу, а таксама назаве суму шкоды».
Крама «Рамонак» побач з будоўляй таксама будзе падлічваць пашкоджаньні. Кампэнсаваць страты будзе заказчык будаўніцтва — замежнае таварыства з абмежаванай адказнасьцю «Рубіроз інтэрнэшнл».
Людзі, якія працуюць у будынку па Пераможцаў, 7, які цяпер упрытык аточаны рознымі будоўлямі, расказваюць, што і бязь непагадзі іх трасе даволі часта: «Калі яны там нешта ўбіваюць ці ўтрамбоўваюць зямлю — мы падскокваем».