«Шэнгенка» сабрала аматараў эўрапейскай літаратуры

12 сакавіка ў Менску распачаўся першы ў гісторыі Беларусі вялікі фэстываль перакладной літаратуры. Імпрэза адбылася ў Галерэі «Ў». На ёй былі прадстаўленыя кнігі сэрыі «Сярэдняя Эўропа» — плён двухгадовай дзейнасьці беларускіх перакладчыкаў, якія працавалі з творамі сучасных чэскіх, славацкіх, вугорскіх і польскіх аўтараў. У імпрэзе ўзяў удзел славацкі паэт і выдавец Пэтэр Мілчак. Вядоўцам вечарыны быў паэт Андрэй Хадановіч. Мэта фэстывалю — даць магчымасьць пазнаёміцца з літаратурнымі і філязофскімі творамі эўрапейскіх зорак першай велічыні.