Лінкі ўнівэрсальнага доступу

Ахмадзінэжад прадказвае вяртаньне Чавэса


Ахмадзінэжад і Чавэс

На сьмерць прэзыдэнта Вэнэсуэлы Уга Чавэса адгукнуліся дзясяткі палітыкаў ува ўсім сьвеце. Найбольш эксцэнтрычна прагучалі словы іранскага прэзыдэнта Махмуда Ахмадзінэжада.

«Я ня маю сумневу, што ён [Чавэс] вернецца поплеч з Ісусам Хрыстом і Махдзі [апошнім пераемнікам прарока Мухамада], каб усталяваць мір і справядлівасьць у сьвеце», — напісаў Ахмадзінэжад у сваім спачувальным лісьце. Паводле іранскага прэзыдэнта, Чавэсава імя — «напамін чысьціні і дабрыні, мужнасьці [...] самаадданасьці і нястомных намаганьняў, каб служыць людзям, асабліва бедным і тым, чыя целы ў рубцах ад каляніялізму і імпэрыялізму».

У спачувальным лісьце Ахмадзінэжад таксама далучыўся да абвінавачаньняў, зробленых віцэ-прэзыдэнтам Вэнэсуэлы Нікаласам Мадура. Той заявіў, што Чавэсава хвароба была выклікана «прошукамі ворагаў». Ахмадзінэжад назваў Чавэса «мучанікам», які загінуў ад «падазронай хваробы».
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG