Лінкі ўнівэрсальнага доступу

Нямеччына не пускае ў Шэнген Баўгарыю і Румынію


viza
viza

Нямеччына заблякуе далучэньне Баўгарыі і Румыніі да Шэнгену, заявіў у міністр унутраных справаў гэтай краіны Ганс-Пэтэр Фрыдрых.

Пытаньне пра ўступленьне Баўгарыі і Румыніі ў Шэнгенскую зону павінна абмяркоўвацца ў чацьвер, 7 сакавіка, на сустрэчы кіраўнікоў МУС краінаў Эўразьвязу ў Бруселі.

Кіраўнік нямецкага МУС заявіў у інтэрв’ю часопісу Spiegel: «Грамадзяне Нямеччыны ўхваляць пашырэньне Шэнгенскай зоны толькі, калі асноўныя патрабаваньні будуць выконвацца, чаго ў цяперашні час не назіраецца».

На думку Фрыдрыха, у Баўгарыі і Румыніі квітнее карупцыя. Таму недобранадзейныя грамадзяне могуць набыць візы, каб патрапіць у Нямеччыну «без далейшага кантролю».

Кіраўнік МУС Нямеччыны папярэдзіў: калі Румынія і Баўгарыя будуць настойваць на галасаваньні па пытаньні ўступленьня ў Шэнген на сустрэчы ў чацьвер, «Нямеччына скарыстаецца правам вета».

У сакавіку 2012-га 27 краінаў ЭЗ узгаднілі «дарожную мапу» далучэньня Баўгарыі і Румыніі да Шэнгенскай зоны. Пры гэтым адзначалася, што двум краінам неабходна выканаць усе патрабаваньні, калі яны хочуць далучыцца да Шэнгену, нагадвае РІА «Новости».
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG