Лінкі ўнівэрсальнага доступу

У справе Гайдукова — новыя допыты


Андрэй Гайдукоў
Андрэй Гайдукоў

Зь леташняга верасьня ў ізалятары КДБ трымаюць працаўніка «Нафтану», грамадзкага актывіста з Наваполацку Андрэя Гайдукова, якога абвінавачваюць у здрадзе радзіме праз агентурную дзейнасьць. У КДБ ня кажуць, у чым менавіта палягае ягонае злачынства.

27 лютага сьледчыя зноў дапыталі сябра Андрэя Гайдукова, грамадзкага актывіста Яўгена Канстанцінава. З маладога чалавека ўзялі падпіску аб неразгалошваньні размовы са сьледчым. Таму Яўген Канстанцінаў змог падзяліцца толькі некаторымі зьвесткамі пра свайго сябра:

«Пачуваецца нібыта нармальна, ня скардзіцца на ўмовы. Мы зь ягонай сястрой перадалі яму перадачу. У КДБ яе прынялі».

Яўген Канстанцінаў спытаўся ў сьледчага, чаму да Гайдукова не пускаюць адваката:

«Сьледчы адказаў, што гэта, маўляў, няпраўда, пускаюць, і нават кабінэт ён свой дае для такіх сустрэч».

Паводле Яўгена Канстанцінава, у яго склалася ўражаньне, што справу будуць працягваць яшчэ і ў сакавіку, хоць расьсьледаваньне даўно мусілі скончыць.

Паводле зьвестак актывістаў «Хартыі-97», Андрэя Гайдукова затрымалі, калі ён вёз для распаўсюду газэты «Хартыі», якія былі надрукаваныя за мяжой. КДБ гэтых зьвестак не камэнтуе.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG