У БЕЛАРУСІ І СЬВЕЦЕ:
Грамадзкі рух імя Юрыя Захаранкі «Абаронцы Айчыны» праводзіць цырымонію ўзнагароджаньня штогадовай прэміяй «Рыцар году», якая пройдзе ў сядзібе БНФ у Менску. Пачатак у 15.30.
У Менску ў галерэі сучаснага мастацтва «Ў» адбудзецца імпрэза пад назвай «Набор гендарнага дэсанту», у рамках якой пройдзе прэм’ера фэмінісцкага відэа «Сукенка». У прэзэнтацыі возьмуць удзел Алена Мінчэня, Аляксандра Ігнатовіч, Наталія Голава, Вольга Сасункевіч, Ірына Альхоўка, Максім Жбанкоў, Альміра Усманава, Вольга Шпарага. Пачатак а 16.00.
У кніжнай краме «логвінаЎ» адбудзецца ўзнагароджаньне ляўрэатаў штогадовай прэміі «Залаты апостраф», заснаванай часопісам «Дзеяслоў». Пачатак а 18.30.
У Вене на сэсіі Парлямэнцкай асамблеі АБСЭ пройдзе дыскусія па Беларусі, падчас якой выступяць дачка палітвязьня Мікалая Статкевіча Кацярына, старшыня АГП Анатоль Лябедзька, экс-кандыдат у прэзыдэнты Андрэй Саньнікаў, старшыня БАЖ Жана Ліцьвіна.
У галоўнай кватэры НАТО ў Брусэлі пройдзе нарада міністраў абароны краінаў-сябраў гэтага вайсковага альянсу адносна Аўганістану.
У ГЭТЫ ДЗЕНЬ:
1512 — Памёр Амэрыга Вэспучы, італьянскі падарожнік, у гонар якога была названая Амэрыка.
1732 — Нарадзіўся Джордж Вашынгтон, першы прэзыдэнт ЗША.
1883 — Нарадзіўся Станіслаў Булак-Балаховіч, беларускі военачальнік часоў Грамадзянскай вайны ў Расеі.
1889 — Нарадзіўся Мікола Байкоў, беларускі мовазнаўца і пэдагог.
1903 — Нарадзіўся Антон Сеўчанка, беларускі фізык, акадэмік АН Беларусі, рэктар Беларускага дзяржаўнага ўнівэрсытэту.
1989 — У Беластоку заснаваны першы гурток Беларускага Аб’яднаньня Студэнтаў (БАС).
1997 — У Менску адбыўся апазыцыйны «Марш пустых каструляў». 300 жанчынаў, трымаючы міскі, рондалі і лыжкі, прайшлі ад плошчы Якуба Коласа да парку Горкага зь лёзунгамі «Грошы, што ідуць на ОМОН — дзецям на лекі», «Мужыкі, падыміцеся з каленяў. Мы любім герояў, а не халуёў».
ЦЫТАТА НА ПАМЯЦЬ:
«Я цалкам упэўнены, што ніхто не павінен ні на хвіліну вагацца, каб узяць зброю для абароны каштоўнага дару свабоды, ад якога залежыць усё дабро і зло ў жыцьці, але зброя, асьмелюся дадаць, зьяўляецца апошнім сродкам».
Джордж Вашынгтон