Марксісцкая партыя ўзяла на сябе адказнасьць за выбух у Турэччыне (відэа)

У заяве групоўкі, распаўсюджанай у інтэрнэце, паведамляецца, што ля ўваходу ў амэрыканскую амбасаду падарваў сябе сябра гэтай арганізацыі.

1 лютага ў Анкары ў выніку выбуху загінуў турэцкі ахоўнік пасольства ЗША, яшчэ некалькі чалавек былі параненыя.

Турэччына і ЗША асудзілі тое, што адбылося, назваўшы гэта тэрарыстычным актам.

У Турэччыне дзейнасьць «Рэвалюцыйнай народна-вызваленчай партыі-фронту» забароненая. ЗША і краіны Эўропы лічаць яе тэрарыстычнай.