Пра гэта паведаміў карэспандэнту «Свабоды» прэсавы сакратар «Беларускай калійнай кампаніі» Філіп Грыцкоў.
Раней паведамлялася, што дамова зь Індыяй можа быць падпісаная ў студзені-лютым. Традыцыйна на індыйскім рынку цэны вышэйшыя за кітайскія, але ніжэйшыя за спотавыя.
БКК ужо заключыла дамову з Кітаем на пастаўкі ўгнаеньняў у першым паўгодзьдзі па 400 даляраў за тону. Кантракты з Кітаем традыцыйна вызначаюць цэнавае дно, адзначаюць у БКК.
Ранейшыя кантракты з Кітаем ішлі па 470 даляраў, а зь Індыяй — па 490 даляраў.
З 1 красавіка БКК будзе пастаўляць хлёрысты калій для бразыльскіх спажыўцоў па 465 даляраў за тону. Гэта прыкладна на 15 даляраў больш за цяперашнія цэны. У БКК спадзяюцца, што з траўня цана для бразыльцаў будзе расьці.
«У адрозьненьне ад Індыі і Кітаю, дзе падпісваецца адзін доўгатэрміновы кантракт на вялікія пастаўкі, у Бразыліі ў нас спотавыя рынкі. То бок абвяшчаецца цана ў цэлым без падпісаньня дамовы. А далей пакупнікі прымаюць альбо не прымаюць гэтую цану», — сказаў карэспандэнту «Свабоды» прэсавы сакратар «Беларускай калійнай кампаніі» Філіп Грыцкоў.
Кіраўнік аналітычнага цэнтру «Стратэгія» Леанід Заіка адзначае, што цяпер назіраецца падзеньне попыту на прадукты харчаваньня і зьмяншэньне дзелавой і спажывецкай актыўнасьці:
«Калійныя ўгнаеньні патрэбныя там, дзе расьце насельніцтва: Кітаю, Індыі, Бразыліі. У нас былі цэны і па тысячы даляраў за тону. Самі яе разагрэлі, самі дайшлі да таго, што цэны сталі непад’ёмныя. Цяпер яны апускаюцца паміж 400 і 500 далярамі. Гэта дадзенасьць рынку. Калі б мы прынялі амэрыканскі падыход, мы наагул бы замарозілі ўсе гэтыя радовішчы, абмежаваліся б унутраным рынкам і яшчэ 20% для экспарту. І захавалі б Беларусь як „крыштальны сасуд“. Чаму яго не захоўваюць, а бяруць і з „сасуда“ пастаянна нешта выліваюць?»
Экспэрты адзначаюць, што падзеньне цэнаў на калійныя ўгнаеньні на ўсясьветным рынку будзе мець нэгатыўныя наступствы для беларускай эканомікі.
Раней паведамлялася, што дамова зь Індыяй можа быць падпісаная ў студзені-лютым. Традыцыйна на індыйскім рынку цэны вышэйшыя за кітайскія, але ніжэйшыя за спотавыя.
БКК ужо заключыла дамову з Кітаем на пастаўкі ўгнаеньняў у першым паўгодзьдзі па 400 даляраў за тону. Кантракты з Кітаем традыцыйна вызначаюць цэнавае дно, адзначаюць у БКК.
Ранейшыя кантракты з Кітаем ішлі па 470 даляраў, а зь Індыяй — па 490 даляраў.
З 1 красавіка БКК будзе пастаўляць хлёрысты калій для бразыльскіх спажыўцоў па 465 даляраў за тону. Гэта прыкладна на 15 даляраў больш за цяперашнія цэны. У БКК спадзяюцца, што з траўня цана для бразыльцаў будзе расьці.
«У адрозьненьне ад Індыі і Кітаю, дзе падпісваецца адзін доўгатэрміновы кантракт на вялікія пастаўкі, у Бразыліі ў нас спотавыя рынкі. То бок абвяшчаецца цана ў цэлым без падпісаньня дамовы. А далей пакупнікі прымаюць альбо не прымаюць гэтую цану», — сказаў карэспандэнту «Свабоды» прэсавы сакратар «Беларускай калійнай кампаніі» Філіп Грыцкоў.
Кіраўнік аналітычнага цэнтру «Стратэгія» Леанід Заіка адзначае, што цяпер назіраецца падзеньне попыту на прадукты харчаваньня і зьмяншэньне дзелавой і спажывецкай актыўнасьці:
«Калійныя ўгнаеньні патрэбныя там, дзе расьце насельніцтва: Кітаю, Індыі, Бразыліі. У нас былі цэны і па тысячы даляраў за тону. Самі яе разагрэлі, самі дайшлі да таго, што цэны сталі непад’ёмныя. Цяпер яны апускаюцца паміж 400 і 500 далярамі. Гэта дадзенасьць рынку. Калі б мы прынялі амэрыканскі падыход, мы наагул бы замарозілі ўсе гэтыя радовішчы, абмежаваліся б унутраным рынкам і яшчэ 20% для экспарту. І захавалі б Беларусь як „крыштальны сасуд“. Чаму яго не захоўваюць, а бяруць і з „сасуда“ пастаянна нешта выліваюць?»
Экспэрты адзначаюць, што падзеньне цэнаў на калійныя ўгнаеньні на ўсясьветным рынку будзе мець нэгатыўныя наступствы для беларускай эканомікі.