25-гадовы мужчына выйшаў на сцэну, дзе прамаўляў лідар этнічных туркаў у Баўгарыі, ды прыставіў яму пісталет да галавы. Зброя дала асечку.
Ахмэд Даган (Ahmed Dogan), лідар Руху за правы і свабоды, прамаўляў на зьездзе ў Сафіі. Мужчына, што прыйшоў на сустрэчу, выскачыў на сцэну са зброяй ды спрабаваў застрэліць палітыка падчас прамовы. Пісталет даў асечку, нападнік хацеў яго перазарадзіць, але ў гэты момант яго схапілі ахоўнікі.
Паводле сафійскай паліцыі, у нападніка былі з сабою яшчэ два нажы.
Відэа Белсату.