Зь дзясятак маладых людзей накіраваліся ў Княжыцкі касьцёл дамініканцаў і прыбіралі там смецьце. Гэты помнік архітэктуры барока (будынак датуецца сярэдзінай 17 стагодзьдзя) стаіць закінуты і патрохі разбураецца. Некалькі гадоў таму былі спробы пачаць рэстаўрацыю касьцёлу, аднак у сувязі з адсутнасьцю сродкаў працу спынілі.
Маладыя дэмакраты з Магілёва вырашылі зрабіць свой унёсак у агульную справу догляду за помнікамі архітэктуры. Пасьля прыбіраньня яны правялі культурніцкую акцыю, распавялі пра гісторыю касьцёлу дамініканцаў. Завершылася талака ў Княжыцах беларускімі сьпевамі.