Падтрымалі агульнанацыянальную акцыю пратэсту прадпрымальнікі Светлагорску і Мазыра. Характэрна, што да страйку гандляроў рынкаў у рэгіёне далучыліся кіроўцы маршрутных таксі.
Страйкоўцы выступаюць перш за ўсё за скасаваньне дэкрэтаў №3 і 4. Адначасова мясцовыя прадпрымальнікі патрабуюць ад абласнога савету скасаваньня ўведзеных пры канцы лютага павышаных ставак адзінага падатку літаральна на ўсе віды тавараў, што прадаюцца на рынку. Памер ставак узрос ад 27% да 75%.
Кіроўцы маршрутак, апроч змяншэньня ставак адзінага падатку, патрабуюць яшчэ і скасаваньня штодзённага тэхнічнага і наркалягічнага кантролю. Такія новаўвядзеньні, ініцыяваныя Міністэрствам транспарту, вымагаюць штомесячна дадатковых выдаткаў памерам 30 тысяч рублёў.