Адпраўлены сёньня ліст ёсьць ужо другім за гэты год зваротам у адміністрацыю Аляксандра Лукашэнкі з нагоды аднае й тае самае праблемы – дрэннага ацяпленьня жылых шматпавярховікаў ды блізкага дзіцячага садка. Мінулым разам адказу ад Аляксандра Лукашэнкі жыхары Гарадка так і не дачакаліся, бо іхны ліст быў перанакіраваны ў Віцебскую абласную адміністрацыю. Аднак далей абяцаньняў “разабрацца” справа з ацяпленьнем ня зрушылася.
На некалькі дзён зьмяніў сытуацыю хіба візыт здымачнае групы АНТ, пасьля рэпартажу якой ацяпленьне было крыху наладзілася. Але ад пачатку гэтага тыдня батарэі ў кватэрах ня грэюць увогуле, і аўтары ліста зноў патрабуюць ад Аляксандра Лукашэнкі адказу на пытаньне: чаму яны мусяць плаціць за камунальныя паслугі, якімі немагчыма карыстацца?