Дзяржаўны дэпартамэнт ЗША паведаміў, што ўвесь выбарчы працэс ня быў ні свабодны, ні справядлівы, і што міжнародная супольнасць не павінна прызнаваць перамогі Лукашэнкі. Філіп Рыкер, прэсавы сакратар Дзярждэпартамэнту заявіў:
(Рыкер: ) “Сёньня Міжнародная місія назіраньня паведаміла, што выбарчы працэс не адпавядае стандартам АБСЭ ў галіне правядзеньня дэмакратычных выбараў. На жаль, ніводны элэмэнт выбарчага працэсу ня быў адкрыты ці справядлівы.
Лукашэнка толькі выкарыстаў заслону выбараў, каб сканструяваць для сябе перамогу.
… Беларускія ўлады выразна прадэманстравалі пагарду для дэмакратыі і правоў чалавека падчас выбараў. Яны не дазволілі іх празрыстасьці на ўсіх этапах і праводзілі кампанію запалохваньня”.