РЛС “Волга” здольная сачыць за палётамі балістычных ракэтаў і касьмічных абектаў на адлегласьці некалькі тысячаў кіламэтраў.
Паводле камандуючага касьмічнымі войскамі Расеі Анатоля Пярмінава “Волга” закрывае “дзірку”, якая ўзьнікла з прычыны ліквідацыі у 1990-х гадах станцыі ў латвійскім горадзе Скрундзе.
Паводле беларуска-расейскіх пагадненьняў зямля пад РЛС “Волга” перададзеная расейскаму боку на правах бясплатнай арэнды на 25 гадоў. Але падчас цяперашняга канфлікту паміж Менскам і Масквой афіцыйныя прадстаўнікі Беларусі заяўлялі пра магчымасьць спагнаньня з Расеі арэнднай платы за гэты стратэгічна важны вайсковы аб’ект пад Ганцавічамі.