ОБЭРГАЎЗЭН, БОХУМ. У Нямеччыне стартаваў фінальны турнір футбольнага моладзевага чэмпіянату Эўропы. У першым сёньняшнім матчы згулялі супернікі зборнай Беларусі ў групе А – футбалісты Сэрбіі й Чарнагорыі выйгралі ў зборнай Харватыі зь лікам 3:2. У другім матчы дня зборная Беларусі перамагла футбалістаў Італіі: 2:1. На два мячы Рамана Кірэнкіна й Аляксандра Глеба ў першай палове матчу італьянцы адказалі голам Альбэрта Джылярдына ў другім тайме.