ЯЛТА Сёньня завяршаецца саміт краінаў, якія ўваходзяць у пагадненьне пра адзіную эканамічную прастору. Кіраўнікі Беларусі, Казахстану, Расеі і Украіны абмеркавалі шляхі далейшага разьвіцьця і умацаваньня эканамічнага міждзяржаўнага ўтварэньня. Прэзідэнт Расеі Ўладзімер Пуцін падкрэсьліў, што ўдзел у пагадненьні не перашкодзіць уступленьню краінаў-сябраў ва Ўсясьветную Гандлёвую арганізацыю. Аляксандар Лукашэнка запрасіў удзельнікаў саміту – прэзідэнтаў Казахзстану, Расеі і Ўкраіны прыехаць у Беларусь на сьвяткаваньне 60-й гадавіны вызваленьня Беларусі ад нацыстскай акупацыі.