ДЭЛІ. Былы міністар фінансаў Індыі Манмоган Сынгх паведаміў, што прэзыдэнт Індыі папрасіў яго сфармаваць новы ўрад. Партыя Нацыянальны Кангрэс вылучыла Сынгха кандыдатам на пасаду прэм’ер-міністра, пасьля таго, як лідэрка партыі, Соня Гандзі, адмовілася намінавацца на гэтую пасаду.
Сынгх стане першым прадстаўніком этнічнай меншасьці сыкхаў на пасадзе прэм’ер-міністра Індыі.