СЭЎЛ. Канстытуцыйны Суд Паўдзённай Карэі сёньня абвясьціў пра аднаўленьне паўнамоцтваў прэзыдэнта гэтай краіны Ро Му Гена. Паўдзённакарэйскі парлямэнт 12 сакавіка аб’явіў прэзыдэнту Ро імпічмэнт за парушэньні выбарчага заканадаўства і карупцыю ў ягоным атачэньні. Канстытуцыйны суд мае паўнамоцтвы прымаць канчатковае рашэньне ў справе імпічмэнту. Цяперашні вэрдыкт значыць, што прэзыдэнт аўтаматычна вяртаецца на сваю пасаду.