ВАШЫНГТОН. Губэрнатар амэрыканскага штату Аклагома памілаваў грамадзяніна Мэксыкі Асвальда Торэса, асуджанага на сьмерць за забойства. Да памілаваньня заклікаў прэзыдэнт Мэксыкі Вінсэнтэ Фокс. Міжнародны суд у Гаазе патрабаваў ад Злучаных Штатаў пераглядзець справы 51 мэксыканца, асуджанага на сьмерць у ЗША, бо пасьля арыштаў іх не інфармавалі аб праве на сустрэчу з прадстаўнікамі консульства Мэксыкі.