Прадстаўнікі Расеі, Эўразьвязу, ЗША сёньня павінны сустрэцца з генэральным сакратаром ААН Кофі Ананам з мэтай абмеркаваньня разьвіцьця ізраільска-палестынскага канфлікту.
З Ананам сустрэнуцца дзяржсакратар ЗША Колін Паўэл, міністар замежных спарваў Расеі Сяргей Лаўроў, кіраўнік зьнешняй палітыкі Эўразьвязу Хаўер Саляна.
Яны абмяркуюць заяву ізраільскага прэм’ера Арыэля Шарона, які зазначыў пра магчымасьць зьмены пляну вываду ізраільскіх войскаў і пасяленьняў з Паласы Газа і Заходняга берага Ярдану.