Намесьнік дзяржсакратара ЗША Рычард Эрмітэдж заявіў, што парлямэнцкія выбары ў Казахстане будуць ключавым тэстам на ступень дэмакратызацыі краіны.
Гэтая заява прагучала пад час паседжаньня Амэрыкана-казахстанскай дзелавой асацыяцыі ў сталіцы ЗША.
Эрмітэдж таксама заявіў, што Казахстан у сваім эканамічным росьце ня можа залежаць толькі ад запасаў энэрганосьбітаў, паколькі эканамічны дабрабыт краіны гарантуе здаровая грамадзянская супольнасьць.
Прадстаўнік Дзярждэпартамэнту крытыкаваў улады Казахстану за парушэньні правоў незалежных СМІ і прадстаўнікоў апазыцыі.