Сёньня ў сталіцы Іраку, а таксама ў Тыкрыце і на амэрыканскай вайсковай базе на поўнач ад Багдада адбыліся выбухі.
У Багдадзе выбух адбыўся на птушыным рынку. Загінула прынамсі 13 іракцаў, каля 30 параненыя. Прычына выбуху нявысьветленая.
Нас вайсковай базе пад час ракетнай атакі паўстанцаў загінула 5 амэрыканскіх салдат і яшчэ 6 -- паранена. Яшчэ тры ірацкія паліцэйскія забітыя пасьля выбуху аўтамабіля побач з іншай вайсковай базай у Тыкрыце.
У Карбале мінулае начы адбылася перастрэлка польскіх салдат з ірацкімі паўстанцамі. Забіта 5 іракцаў.
Раней амэрыканскія вайсковыя сілы аднавілі наступ на суніцкі горад Фалуджа. Наджаф застаецца ў блякадзе, амэрыканцы дамагаюцца здачы радыкальнага шыіцкага лідэра Мактады Ас-Садра.