АЛМАТЫ. Былы губэрнатар алмацінскай вобласьці Заманбек Нуркадзілаў падаў у суд на прэзыдэнта Казахстану Нурсултана Назарбаева. Ён патрабуе, каб прэзыдэнт пакінуў сваю пасаду на час суду ў ЗША над Джэймсам Гіфэнам, які быў дарадцам Назарбаева ў нафтавай прамысловасьці ў сярэдзіне 90-х гадоў. Гіфэна вінавацяць у пераводзе грошай з нафтавых кампаніяў на швэйцарскія банкаўскія рахункі Назарбаева.