ВІЛЬНЯ. Парлямэнт Літвы сёньня прагаласаваў за імпічмэнт прэзыдэнта Раландаса Паксаса. Бальшынёй у дзьве траціны галасоў парлямэнт прызнаў Паксаса вінаватым у трох выпадках парушэньня літоўскай Канстытуцыі. Сярод абвінавачваньняў -- наданьне грамадзянства расейскаму бізнэсоўцу ў абмен на фінансаваньне выбарчай кампаніі, парушэньне дзяржаўнай таямніцы і ўплыў на працэдуру прыватызацыі. Паксас стаў першым эўрапейскім прэзыдэнтам, адхіленым ад улады праз імпічмэнт.
Выканаўцам абавязкаў прэзыдэнта стаў сьпікер парлямэнту Артурас Паўлаўскас. Новыя прэзыдэнцкія выбары маюць адбыцца цягам двух месяцаў.