ТБІЛІСІ На парлямэнцкіх выбарах у Грузіі больш за дзьве траціны галасоў атрымала партыя “Нацыянальны рух – дэмакраты”, кіраваная прэзідэнтам краіны Міхаілам Саакашвілі. Паводле папярэдніх дадзеных у парлямент таксама прайшла апазіцыйная партыя “Правы блёк-прамыславікі”. Назіральнікі АБСЭ адзначылі імкненьне грузінскіх уладаў правесьці выбары як мага бліжэй да эўрапэйскіх стандартаў. Злучаныя Штаты расцанілі выбары, што адбыліся ў Грузіі, як у цэлым свабодныя.