ТРЫПАЛІ. Міжнародныя інспэктары скончылі агляд лібійскіх запасаў хімічнай зброі. Былі зарэгістраваныя 20 тонаў гарчычнага газу і кампанэнты для вытворчасьці тысячаў тонаў нэрвовага газу сарын. Інспэкцыя пацьвердзіла, што адзіны ў Лібіі завод у вытворчасьці хімічнай зброі быў дэмантаваны.
У мінулым месяцы Лібія далучылася да пагадненьня, якое забараняе хімічную зброю. Да 2007 году Лібія мае зьнішчыць свае запасы такой зброі і абсталяваньне для яе вытворчасьці.
Лібія таксама працуе з Міжнародным агенцтвам у атамнай энэргіі, згортваючы свае ядзерныя праграмы.