МАСКВА. Прэзыдэнт Расеі Ўладзімер Пуцін назваў сёньня падзеі ў Косаве “этнічнай чысткай”. На нарадзе ў Маскве з кіраўніком ураду, кіраўніком адміністрацыі і міністрамі сілавых ведамстваў Пуцін заклікаў жорстка адрэагаваць на ўспышку гвалту і забясьпечыць абарону сэрбаў. Пуцін даручыў сакратару Бясьпекі Ігару Іванову і кіраўніку МЗС Сяргею Лаўрову сфармуляваць пазыцыю Расеі ў косаўскім пытаньні.