ПРЫШТЫНА. Міратворчыя сілы КейФОР спрабуюць узяць пад кантроль сытуацыю ў Косаве, дзе апошнімі днямі ў сутычках паміж мясцовымі альбанцамі і сэрбамі загінулі ня меней як 30 чалавек. Каля тысячы сэрбаў былі вымушаныя ўцякаць са сваіх дамоў. Мноства сэрбскіх вёсак былі падпаленыя. У правінцыю прыбылі дадатковыя падразьдзяленьні НАТО, каб не дапусьціць новых сутычак.