ІСЬЛЯМАБАД. На паўночным захадзе Пакістану ў часе антытэрарыстычнай апэрацыі затрыманыя, паводле апошніх дадзеных, болей як 100 баявікоў “Аль-Кайды”. Пакістанскае камандаваньне паведамляе, што ўрадавым войскам супрацьястаяць да паўтысячы баявікоў. Яны ўзброеныя мінамётамі і ракетнымі ўстаноўкамі. Баі доўжацца ад аўторка. Адначасна аўганскія ўрадавыя войскі пры падтрымцы амэрыканскай авіяцыі вядуць жорсткія баі з талібамі каля мяжы з Пакістанам.