Сёньня увечары былі атакаваныя яшчэ два атэлі ў сталіцы Іраку. Пакуль няма паведамленьня пра ахвяры ад гэтых выбухаў.
У гэтых гатэлях жывуць рабочыя, што працуюць паводле кантрактаў з амэрыканскай адміністрацыяй.
Учора выбухам быў разбураны багдадзкі гатэль “Mount Lebanon”. 7 чалавек загінулі, 35 - параненыя.
Сёньня ў іншым замаху ў горадзе Бакуба на поўнач ад Багдаду загінулі тры ірацкія журналісты.
Паводле амэрыканскага камандаваньня, два амэрыканскія салдаты загінулі сёньня каля багдадзкага аэрапорту ў выніку мінамётнага абстрэлу. У Басры на поўдні Іраку ў выніку бомбавага замаху загінулі двое чалавек.