ГААГА Кіраўнік сацыялістычнай партыі Сэрбіі, былы прэзідэнт Югаславіі Слабадан Мілошавіч, які зараз знаходзіцца ў турме Гааскага трыбуналу, мае намер выйсьці са складу сацпартыі і перайсьці ў Сэрбскую радыкальную партыю. Пра гэта паведаміў адвакат Мілошавіча Сьветазар Вуячыч. Радыкальную партыю ўзначальвае Ваіслаў Шэшаль, які таксама сядзіць у турме Міжнароднага трыбуналу. На апошніх парляменцкіх выбарах радыкальная партыя набрала адносную большасьць галасоў.
Адвакат Вуячыч паведаміў, што Мілошавіч быў незадаволены тым, што некалькі прапанаваных ім асобаў не былі ўключаныя з выбарчы сьпіс сацпартыі. Афіцыйна пра выхад з сацыялістычнай партыі Мілошавіч абвесьціць 12 сакавіка.