БЭРЛІН. Вярхоўны суд Нямеччыны сёньня, як мяркуецца, абвесьціць свой вэрдыкт у справе Маўніра Эт Матасадэка, якога абвінавачваюць ува ўдзеле ў падрыхтоўцы нападаў 11 верасьня 2001 году, у прыватнасьці, у дапамозе тэрарыстычнай групоўцы ў Гамбургу. У мінулым годзе Маўнір Эт Матасадэк быў вырачаны да 15 гадоў пазбаўленьня волі. Аднак, сябра тэрарыстычнай групоўкі Рамзі бін аль-Шыбх , які цяпер знаходзіцца ў амэрыканскай вязьніцы, заявіў, што Матасадэк ня меў дачыненьня да падрыхтоўкі тэрактаў.