ВАШЫНГТОН Прэзідэнт ЗША Джордж Буш заявіў сёньня, што вельмі расчараваны вынікамі парлямэнцкіх выбараў у Іране. Ён абвінаваціў ўлады Ірану ў спробе падавіць рэфармісцкія сілы. Амэрыканскі прэзідэнт заявіў, што далучаецца да людзей у Іране і ва ўсім сьвеце, якія асуджаюць падаўленьне свабоды слова ў Іране, прынамсі закрыцьцё двух вядучых рэфармісцкіх газэтаў. Джордж Буш дадаў, што Злучаныя Штаты падтрымліваюць імкненьне іранскага народу да свабоды.