БАГДАД Місія ААН прыбыла сёньня ў Ірак. Яе мэта – вызначыць, ці магчыма правядзеньне ў Іраку выбараў раней чым праз 5 месяцаў. Некаторыя ірацкія палітыкі заклікаюць да гэтага, але амэрыканскія прадстаўнікі гавораць пра немагчымасьць правесьці галасаваньне раней чым напрыканцы чэрвеня. Цяперашні старшыня кіруючай Рады Іраку Махсэн Абдэль Гамід вітаў візыт прадстаўнікоў ААН, аднак заявіў, што кіруючая Рада ня лічыць сябе зьвязанай магчымымі высновамі місіі ААН.