ВАШЫНГТОН. Дзяржсакратар ЗША Колін Паўэл паведаміў пра плянаванае скарачэньне колькасьці амэрыканскіх вайскоўцаў і баз у Эўропе. Паўэл не канкрэтызаваў пляны Белага Дому, але дадаў, што гэтае скарачэньне ёсьць адказам на завяршэньне халоднай вайны. Паводле Коліна Паўэла перадысьлякацыя некаторых баз на Ўсход не пагражае Расеі і не вядзе да канфрантацыі з Масквой. Цяпер у Эўропе разьмешчаныя 110 тысячаў амэрыканскіх вайскоўцаў, большасьць зь іх - у Нямеччыне.