БАГДАД. Часовы міністар унутраных справаў Іраку Нуры Бадран заявіў, што напружаная сытуацыя ў краіне робіць немагчымым правядзеньне ўсеагульных выбараў у найбліжэйшы час. Духоўны лідэр шыіцкай бальшыні аятала Алі ас-Сістані патрабуе тэрміновай перадачы ўлады ў Іраку ўраду, сфармаванаму паводле вынікаў наўпроставых выбараў. ЗША лічаць, што ў цяперашніх умовах сумленныя выбары ў Іраку немагчымыя, і прапануюць правесьці іх налета, а да таго часу перадаць уладу пераходнаму ірацкаму ўраду.