МАСКВА. Расейскія незалежныя кампаніі “Ітэра Холдынг” і “Транс Нафта” скарацілі зь сёньняшняга дня пастаўкі прыроднага газу ў Беларусь з 63 мільёнаў кубамэтраў да 43 мільёнаў кубамэтраў за суткі. У тэлефоннай размове з Аляксандрам Лукашэнкам прэзыдэнт Расеі Ўладзімір Пуцін прасіў беларускі бок накіраваць дакумэнт, які б пацьвярджаў аб’ёмы паставак газу ў Беларусь незалежнымі расейскімі вытворцамі. Беларускі прэзыдэнт дакляраваў, што найбліжэйшым часам такі дакумэнт будзе накіраваны.