ТАШКЕНТ
Паблізу ўзбэцкай сталіцы ўвечары разьбіўся самалёт мясцовых авіялініяў “Як-40”, які ляцеў з Тэрмэзу ў Ташкент. Загінулі ўсе, хто былі на борце – 32 пасажыры й пяць чальцоў экіпажу. Катастрофа адбылася каля жылых кварталаў, калі самалёт заходзіў на пасадку ў аэрапорце Ташкенту. Узбэцкія праваахоўчыя органы мяркуюць, што прычынаю катастрофы магла стаць моцная воблачнасьць. На месца катастрофы пабываў прэзыдэнт Іслам Карымаў.