МАСКВА Цэнтарвыбаркам Расеі завершыў рэгістрацыю ініцыятыўных групаў па вылучэньні кандыдатаў на прэзыдэнта. На пасаду кіраўніка дзяржавы прэтэндуюць 10 чалавек. Кандыдатамі ад кампартыі і ЛДПР сталі Мікалай Харытонаў і Алег Малышкін. Яны будуць вылучаныя сваімі партыямі. Яшчэ 8 кандыдатаў будуць вылучацца шляхам збору подпісаў, паводле закону трэба сабраць па 2 мільёны подпісаў. Сярод кандыдатаў – дзейны прэзідэнт Уладзімер Пуцін, прадстаўнікі блёку “Родіна” Сяргей Глазьеў і Віктар Герашчанка, адзін з лідэраў Саюзу правых сілаў Ірына Хакамада.