ТБІЛІСІ Паводле папярэдніх дадзеных пераканаўчую перамогу на прэзыдэнцкіх выбарах у Грузіі атрымаў Міхаіл Саакашвілі. Паводле падліку чвэрці бюлютэняў, ён атрымаў 96% галасоў выбаршчыкаў. Міжнародныя арганізацыі і замежныя назіральнікі адзначаюць, што ў цэлым галасаваньне прайшло без істотных парушэньняў. АБСЭ адзначыла паляпшэньне сытуацыі ў параўнаньні з парлямэнцкімі выбарамі ў лістападзе летась. Дзярждэпартамэнт ЗША заявіў, што прэзыдэнцкія выбары сталі істотным крокам Грузіі да дэмакратыі.