КАБУЛ. Розныя краіны сьвету сёньня павіталі прыняцьце новай Канстытуцыі Аўганістану. У заяве расейскага міністэрства замежных справаў выказваецца надзея на тое, што прыняцьце новай канстытуцыі дапаможа ў нацыянальным узьяднаньні Аўганістану. Канцлер Нямеччыны Гэргард Шрэдэр даслаў ліст прэзыдэнту Аўганістану Хаміду Карзаю, у якім адзначыў, што новы галоўны закон краіны адкрывае шлях да дэмакратыі й аднаўленьня дзяржавы. Новая Канстытуцыя была прынятая ўчора пасьля дэбатаў 500 дэлегатаў Вялікай Рады Аўганістану - Лоя Джыргі.