ВАТЫКАН
Папа рымскі Ян Павал Другі сёньня заклікаў да стварэньня “новага сусьветнага парадку”, які паспрыяе міру. 83-гадовы пантыфік правёў імшу, прысьвечаную Дню міру, які каталіцкая царква адзначае 1 студзеня. "Больш чым калі-небудзь, нам патрэбны новы міжнародны парадак, заснаваны на досьведзе і выніках Арганізацыі Аб’яднаных нацыяў", -- сказаў Яна Павал Другі. Папа заявіў, што ААН трэба надаць уладу і паўнамоцтвы, каб “забясьпечыць адэкватнае рашэньне сёняшніх праблемаў”.