БАГДАД
Вайскоўцы міжнародная кааліцыі ў Іраку затрымалі 5 падазраваных, зьвязаных з сэрыяй нападаў у мінулую суботу ў паўднёвым горадзе Камбала. Вугорскі афіцэр Дэшо Кіс паведаміў, што пяцера схопленых былі сёньня дапытаныя наконт іхняга ўдзелу ў нападах. У выніку тэрактаў у суботу загінулі 19 чалавек, у тым ліку баўгарскія вайскоўцы, і каля ста былі параненыя.