БАМ, Іран. Дзесяткі тысячаў людзей у выніку землятрусу сталі бяздомнымі і вымушаныя трэцюю ноч запар праводзіць на вуліцы пры мінусовай тэмпэратуры. Паводле мясцовых уладаў, колькасць загінулых перавышае 22 тысячы чалавек, параненых -30 тысячаў. У выратавальных працах удзельнічаюць 400 замежных адмыслоўцаў. Паведамляецца, што іхная дзейнасьць, хутчэй за ўсё, будзе сканцэнтраваная на дапамозе тым, хто застаўся без даху. Пошукавыя працы спыняюцца, бо надзеяў знайсьці сярод руінаў жывых - практычна няма.