КАБУЛ: Улады Афганістану арыштавалі й перадалі ў рукі амэрыканцаў аднаго зь лідэраў Талібану абвінавачванага ў арганізацыі шэрагу замахаў, у выніку якіх загінулі больш за 20 чалавек, супрацоўнікаў міжнародных дабрачынных арганізацыяў. Былы кіраўнік мытнай службы на сталічным лётнішчы з часоў кіраваньня талібаў Мухамад Юніс быў арыштаваны ў сваёй хаце ў правінцыі Гелманд. Паводле прадстаўніка мясцовай службы бясьпекі, менавіта Юніс быў арганізатарам шэрагу замахаў супраць афганскіх сілаў бясьпекі і супрацоўнікаў міжнародных дабрычынных арганізацыяў.