ПАРЫЖ. Дэлегацыя Кіроўчай рады Іраку праводзіць сёньня ў Парыжы перамовы з прэзыдэнтам Францыі Жакам Шыракам і кіраўніком вонкавапалітычнага ведамства Дамінікам дэ Вільпэнам. У складзе ірацкай дэлегацыі - кіраўнік часовай рады Абдэль Азіз аль Хакім і міністар замежных справаў Хашыяр Зэбары.
Галоўныя тэмы перамоваў –судовы працэс над Садамам Хусэйнам і пэрспэктывы пераачы ўлады ў Іраку самім іракцам. Пасьля Парыжу ірацкая дэлегацыя наведае Нью-Ёрк, дзе прапануе Радзе бясьпекі ААН плян аднаўленьня сувэрынітэту Іраку.