ІСЛАМАБАД У паўночным пакістанскім горадзе Равалпіндзі сёньня быў зроблены замах на прэзыдэнта краіны Пэрвэза Мушарафа. Моцная бомба выбухнула каля шашы літаральна праз хвіліну пасьля таго, як па ёй праехаў картэж прэзыдэнта. Паводле пакістанскіх мэдыяў была пашкоджаная апошняя машына картэжу, накалькі чалавек былі параненыя. Сам кіраўнік дзяржавы не пацярпеў. Пакістанскія ўлады называюць здарэньне тэрарыстычным актам. На жыцьцё Пэрваза Мушарафа, пасьля таго як ў 1999 годзе прыйшоў да ўлады шляхам ваенага перавароту, было зроблена некалькі замахаў.